Корбаннарын кыйнаганнар, талаганнар
Яшел Үзән эчке эшләр бүлегенең полиция хезмәткәрләре 2018 елның октябрендә ай буе эчемлекләр куллана торган урыннарны талап йөргән дүрт яшь кешене тоткарлады.
Иң өлкәненә – 28, иң кечесенә 19 яшь булган тоткарланучылар төнге барларда спиртлы эчемлек кулланып, үзләренә корбаннарны шунда тапкан. Алар гадәттә исерекләргә һөҗүм ясый торган булган. Әлбәттә инде, талаучылар корбаннарының кыйммәтле әйберләре – телефоны, акчасы булуын игътибарга алган. Ялгыз корбаннарына алар аулак урында һөҗүм иткән. Менә шулай, зыян күрүчеләрнең берсе – 39 яшьлек ирнең алар кабыргаларына кадәр сындырып бетергән. Җинаятьчеләр аның 7 мең сум акчасын талап алган.
Хәзерге вакытта әлеге фактлардан чыгып, «Талау» һәм «Юлбасарлык» маддәләре буенча җинаять эшләре кузгатылган.