Мәгариф идарәсе Мәгариф идарәсенең төп эшчәнлеге - төп гомуми белем бирү программалары буенча һәркем өчен мөмкин булган һәм түләүсез башлангыч гомуми, төп гомуми, урта (тулы) гомуми белем бирүне оештыру. Россия Федерациясе субъектлары дәүләт хакимияте органнары вәкаләтләренә кертелгән белем бирү процессын финанс ягыннан тәэмин итү вәкаләтләреннән тыш Мәгариф идарәсе балаларга өстәмә белем бирүне (төбәк әһәмиятендәге учреждениеләрдә балаларга өстәмә белем бирүдән тыш) һәм Зеленодольск муниципаль районы территориясендә һәркем өчен мөмкин булган түләүсез мәктәпкәчә белем бирүне оештыра. Мәгариф идарәсе компетенциясендә шулай ук - дәрестән тыш һәм каникул вакытында балаларның буш вакытын, ялын, сәламәтләндерүне, хезмәт һәм мәшгульлекне оештыру. Мәгариф идарәсе халыкка күрсәтелә торган белем бирү хезмәтләренең сыйфатын, уку-укыту планнарының, дәүләт стандартлары нигезендә эшләнгән белем бирү программаларының үтәлешен контрольдә тота; район территориясендә мәгариф учреждениеләре челтәрен үстерүне оештыра; уку процессын матди-техник яктан тәэмин итә. Үз эшчәнлегендә «Татарстан Республикасы Зеленодольск муниципаль районы Башкарма комитетының мәгариф идарәсе»муниципаль казна учреждениесе турындагы нигезләмәгә таяна.