“Родина” мәдәният сарае каршында Динә Гарипова өчен Зеленодольск җән ата

“Евровидение-2013” трансляциясен шәһәр мәйданында бөтенебез бергә карау очен экранны урнаштыру урыны билгеләнде.
Динә Гарипова 14 май, сишәмбе көнне, алтынчы номер булып беренче группада чыгыш ясаячак.
“Без финалны көтмәскә булдык, шул ук көнне Яшел Үзәнлеләр өчен чын бәйрәм оештырырга булдык”, - диде райисполком җитәкчесе Александр Тыгин.
9-нчы май көнне без аның белән сөйләшкәндә, чараны оештыру урыны билгеләнмәгән иде.
Бер көннән үк мәдәният идарәсе җитәкчесе Ренат Җапаров безнең белән элемтәгә керде.
- Александр Васильевич белән бер ничә вариантларны җентекләп күреп
чыкканнан сөң, без шундый фикергә килдек - “Родина” мәдәният сарае каршындагы мәйдан 1-нче каналның “Евровидение”дан булган репортажларны күрү өчен - иң уңай урын дип. Экран Сарайга керүдә урнаштырыла. Программаны сәгатъ 22:00 башлыйбыз. “Зеленый Дол” телекомпаниясы Динә Гарипова белән булган эксклюзив видео-интервьюларны тәкъдим итә. Аларга кушымта булып Яшел Үзәндәге иҗади коллективларның кечерәк концерт программасы тәкъдим ителәчәк.
“Евровидение” трансляциясе сәгатъ 23:00 башланачак.
Безнең якташыбыз популяр музыка фестивалендә Россия вәкиле булуы мәгълүм булгач, “Бөтен дөнья” булып бер мәйданда җыелуны “Зеленодольская правда” укучылары тәкъдим иттеләр.
Бу идеяны җирлек хакимияте хуплады. Шулай итеп, 14 май көнне “Родина” мәдәният сарае каршындагы мәйданда сәгатъ 22:00 очрашуга кадәр. Динә, без синең җиңүеңне телибез!
16 май көненә билгеләнгән икенче полуфиналда, Латвия, Сан-Марино, Македония, Азербайҗән, Финляндия, Мальта, Болгария, Исландия, Греция, Исраил, Әрмәнестан, Венгрия, Норвегия, Әлбан, Грузия, Швейцария һәм Румыния вәкилләре катнаша. Чыгыш тәртибен 17 май көнне оештырылачак шобага салу аныклы. Финал 18 май көнне булачак. Финалда “Евровидение”ны оештыручы – Бөек Британия, Италия, Германия, Франция һәм Испания илләренең вәкилләре чыгыш ясыйлар. Шулай ук финалга быел турыдан туры “Евровидение”ны кабул итүче Швеция иленең катнашучысы үтте.
Бугенге көндә Динә Гарипова букмекерлар котировкасында дүртенче булып бара. Җиңеп чыгуга иң күп шанслар Дания вәкиле Эммили де Форестка бирелә, икенче булып украиналык Злата Огневич санала. Өченче урында Норвегиялык Маргарет Бергер булыр дип исәплиләр букмекерлар.