Зеленодольск ГХАТда «Тормыш юлында бергә» дигән акция булып үтте.

15 май Халыкара гаилә көнне Зеленодольск гражданлык хәле актларын теркәү бүлегендә (ГХАТ) күркәм тантана булып узды. Тантананың сәбәпчеләре 50-55 ел бергә гомер итүче шәһәр гаилә парлары булдылар. Бәйрәмге шундый гаилә парларның дүртесе генә килә алдылар. Алар арасында “алтын” юбилярлар – Горшеневлар, Галкиннар, Борисовлар һәм “зөбәрҗәт” юбилярлар - Пищулиннар гаиләсе булдылар.
Бәйрәм тантанасын ГХАТ җитәкчесе Р.А. Закирова ачып җибәрде.
ГХАТ специалисты Н.Ю. Завидонова һәрбер гаилә турында җылы сүзләр әйтеп үтте.
Юбилярлар Юбилей хөрмәтенә мактау китабына кул куйдылар һәм бер-берсен кочып тәбрикләделәр. Гаилә башлыкларын Зеленодольск муниципаль районы Башкарма комитетының иҗтимагый үсеш бүлеге җитәкчесе В.Б. Корнеева тәбрикләде.
“Безнең районда гаилә учагын һәм гореф-гадәтләрне саклаүчы шундый гаиләләр булуы бик куанычлы. Алар яшь гаиләләргә үрнәк булып торалар”, - диде Вера Борисовна. Ул юбилярларга Башкарма комитеты җитәкчесенең рәхмәт хатларын һәм Зеленодольск сөт комбинатының бүләкләрен тапшырды.