“Евровидение” финалында Зеленодольск шәһәрендә светошоу һәм Динә Гарипова белән булган телекүпер оештырылачак

Шимбә көнне “Евровидение” финалы булачак. Яшел Үзәнлеләр аны Театраль мәйданда күрәчәкләр. Мәдәният идарәсе Зеленодольск шәһәрендә торучылар өчен сюрприз ясаячак.
- “Родина” мәдәният сарае мәйданында Мальмёдан полуфиналдагы шикелле туры трансляция алып барачакбыз. Бу юлы концерт урынына спецэффектлы светошоу булачак, - диде идарә җитәкчесе Ренат Җапаров, - Трансляция 23:00 сәгаттә башланачак, әмма без полуфинал видеосын иртәрәк күрсәтергә планлаштырабыз. Динә Гарипова белән булган телекүперне финалдан соң әлбәттә күрсәтәчәкбез.
Күрсәтү оештыручылары ышаналар: бу юлы, сишәмбе көнне узган полуфиналга караганда, мәдәният сарае мәйданында халык берничә тапкыр күберәк булыр, дип. Чөнки трансляция ял көнне буларак, кешеләргә эшкә иртә таңнан торырга кирәк булмаячак.