Яшел Үзән районында юл хәрәкәте куркынычсызлыгы атналыгы дәвам итә

2021 елның 24 сентябре, җомга

Күңелле тематик флешмоблар марафонына Васильевоның икенче мәктәбе укучылары да кушылды. Чарада ЮХИДИнең Яшел Үзән районы буенча бүлеге башлыгы Рамил Идиятуллин һәм юл-патруль хезмәте өлкән инспекторы Дмитрий Миронов булды.

- Юл хәрәкәте кагыйдәләрен үтәү бик мөһим, бигрәк тә тәүлекнең караңгы вакытында, киемдә, һичшиксез, яктылык кайтаручы элементлар йөртергә кирәк, - дип мөрәҗәгать итте флешмобта катнашучыларга Рамил Илфатович.

Балалар әзер программа тәкъдим иттеләр, шулай ук, форма кигән хезмәткәрләргә кызыксындырган сорауларын бирделәр.