Универсиада-2013 не каршылау

2013елның 1 июнь көнендә Карамалы Тау шәһәр типындагы посёлокта Казанда булачак Универсиада-2013кә багышланган зур тантана - Сабантуй бәйрәме булып үтте. Бәйрәм мәктәп стадионында узды. Бәйрәм белән посёлок халыгын һәм кунакларын җирлек башлыгы А. Абросимов һәм Зеленодольск шәһәре башкарма комитетының җитәкчесе А. Кияшко тәбрикләделәр.
Стадион территориясе зур булганына күрә, бөтен бәйрәм обьектлары уңайлы итеп урнаштырылды. “Әни, әти, мин – спортив гаилә”, “Күңелле стартлар”, “Таякны тарту” – шуның ише конкурслар, футбол, волейбол, пионербол һәм күңелле аттракционнар стадионның бөтен периметры буйлап булып үтте.
Карамалы Тау көрәшчеләре үзләренең осталыгын милли көрәштә күрсәттеләр. Свияжск урта гомуми белем мәктәбе укучысы Цыплев Николай көрәштә җиңеп чыкты. Бәйрәмдәге сәүдә дә бик шәп үтте: монда кәбаплар да, баллы “мамык” та, традицион бутка да, уенчыклар да һәм бик күп башка нәрсәләрдә сатылды.
Карамалы Тау мәдәният сарае кунакларга һәм посёлокта яшәүчеләргә үзенең бәйрәм программасын тәкъдим итте. Концерт бик матур һәм күңелле үтте: мәдәният сараеның 90 артисты үз талантларын килешле итеп күрсәтә белделәр! Бәйрәм программасын мәдәният сарае коллективы әзерләде. Бөтенесе булып тантанада 700гә якын кеше катнашты. Сабантуй бик кызык һәм күңелле үтте. Җиңеп чыгучыларның барысына да истәлек өчен призлар һәм грамоталар тапшырылды.