Нәүрүз әле дә дәвам итә

Районыбыз авылларында узган Нәүрүз бәйрәменнән фотоларны әле дә булса кабул итәбез, дуслар. Һәм райондашларыбызның шулай бердәм булып язны каршы алулары, элеккеге гореф-гадәтләрне яңартулары өчен шатланып торабыз. Тау Илендә дә күңелле итеп Нәүрүз бәйрәмен уздырдылар. Тәмле ботка, коймак белән сыйландылар һәм төрле уеннарда катнаштылар. Авыл гөр килеп торды. Шулай бердәм булып, матур яшәүләргә ни җитә?!