15 апрельдән 30 майга кадәр татарстанлылар киләсе елда төзекләндереләчәк иҗтимагый киңлекләрне һәм ишегалды территорияләрен билгели алачак.

«Уңайлы шәһәр мохитен формалаштыру» федераль проекты кысаларында «Торак һәм шәһәр мохите» милли проекты 15 апрельдән 30 майга кадәр Россиянең барлык субъектларында төзекләндерү объектлары өчен Бөтенроссия тавыш бирү узачак. Аның төп бурычы - торак пунктларны яшәү өчен уңайлырак итү генә түгел, ә иң мөһиме - бу процесска халыкны җәлеп итү. Татарстан Республикасында парклар, скверлар һәм яр буе территорияләрен сайлау мөмкинлегеннән тыш, халык «Безнең ишегалды» Президент программасы буенча өстенлекле тәртиптә яңартылачак 200 йортны билгели ала. Шулай итеп, иҗтимагый киңлекләр ишегалды территорияләре белән берлектә төзелә һәм яңартыла. Мондый комплекслы якын килү аркасында ишегаллары парклар белән уңайлы һәм куркынычсыз маршрутлар белән тоташа һәм бердәм шәһәр челтәре формалаша. Исегезгә төшерәбез, 2021 елның язында ТР Дәүләт хезмәтләре Порталында тавыш бирү узды, анда 170 мең татарстанлы катнашты. Алар парклар, скверлар, бульварлар һәм яр буйларын төзү һәм яңарту өчен өстенлекле территорияләрне билгеләгәннәр, шулай ук «Безнең ишегалды» Президент программасы буенча төзекләндерү өчен 200 өстенлекле ишегалдын сайлаганнар. Топ-200 тавыш биргән кешеләрнең йортта яшәүчеләргә процент нисбәте буенча формалаштырылды. Җиңүче җәмәгать киңлекләренең тулы исемлеген park.tatar сайтында, ә топ-200 ишегалды һәм быел яңартылачак барлык ишегалды территорияләренең адресларын белергә мөмкин, dvor.tatar сайтында урнаштырылган. Аннары исемлекне, беренче чиратта, комплекслылык принцибын исәпкә алып, район администрацияләре тулыландырды. Ул шунда ки, бердәм җәяүлеләр челтәре эшләнә, һәм ишегалды территорияләре тартылу нокталары (мәктәпләр, балалар бакчалары һ.б.) белән бәйләнә. Исемлек төзегәндә шулай ук шәһәр мохитен формалаштыру буенча башка программалар һәм инвентаризация нәтиҗәләре исәпкә алынды/ Быел республика буенча 1200 ишегалды төзекләндереләчәк. Иҗтимагый киңлекләргә килгәндә, быел Татарстанның 49 торак пунктында 67 парк, сквер һәм яр буйлары барлыкка киләчәк. 2021 елдан тавыш бирү нәтиҗәләре пространстволарны сайлауга турыдан-туры йогынты ясады, алар өстендә эшкә май аенда керешәчәкләр. #НашДвор #ПаркиТатарстана #ТатарстанПаркиИДворы