Яшел Үзән районына кайткан качаклар өчен эш тәкъдим иттеләр

Яшәгән җирләреннән китәргә мәҗбүр булган украиналыларның Яшел Үзән районының “Васильево” шифаханәсендә урнашулыры хакында хәбәр иткән идек инде. Бүген биредә эш тәкъдим итү буенча күчмә вакансияләр ярминкәсе оештырылды. -Иң беренче качаклар арасында, һөнәрләрен, белемнәрен тикшерү буенча анкета уздырдык. Һәм анкета нигезендә нәкъ алар эшли ала торган предприятиеләр ярминкәдә катнаша. 9 оешмадан 400дән артык вакансия тәкъдим ителә. Безнең максат – аларга яраклы эш табарга тәкъдим итү, - дип сөйли Яшел Үзән шәһәре халыкны эш белән тәэмин итү үзәгенең әйдәп баручы инспекторы Илһамия Шәйхуллина.