"Кечкенә бакча һәм кошчылык": Зеленодольск шәһәренең "Идел" реабилитация үзәгендә "Озата баручы яшәү" (“Ярдәмле торак”) проектында тәрбияләнүчеләр өчен белем бирү программасы үзәген киңәйтергә планлаштыралар

Зеленодольск район Башлыгы Михаил Афанасьев үзенең җәмәгать ярдәмчесе Алеся Лежнина белән очрашты, ул 2022 елның 4 ае дәвамында башкарылган эш нәтиҗәләре турында доклад тыңлады. Аерым игътибар 2020 елда "Идел" реабилитация үзәге базасында старт алган "Озата баручы яшәү" (“Ярдәмле торак”) проектын үстерүгә бирелде. - Хәзер республиканың төрле почмакларыннан 22 кеше тренинг уза, аларның кайберләре кабат килеп, мөстәкыйль тормышка җайлашу ягыннан мөһим нәтиҗәләргә ирешәләр, - диде Алеся Анатольевна. Социаль күнекмәләрне яхшырту өчен үзәктә кешеләргә җәмгыятьтә җайлашырга ярдәм итә торган төрле методикалар кулланалар. Хәзер үсемлекчелек белән шөгыльләнергә һәм өй кош-кортын үстерергә планлаштырабыз. - Проект бик кирәкле, мөһим, киләчәктә дә кирәкле ярдәмне күрсәтәчәкбез, - дип билгеләп үтте Михаил Афанасьев.