Зеленодольск шәһәрендә яшәүче Илья Комягин халыкара конкурста дәрәҗәле бүләк яулады
"ЮЛА" әдәби берләшмәсе укучысы (җитәкче Алёна Жилкина) Керчь шәһәрендәге "Боспорские Агоны" XXIV Халыкара антик сәнгать фестивале кысаларында узган "Грифон канатларында" Халыкара әдәби конкурсының "Яшьләр поэзиясе" номинациясендә җиңүче булды.
Конкурска Россия һәм чит ил авторлары берничә номинация буенча шигырь һәм проза әсәрләрендә меңнән артык эш җибәргән. Ильяның диңгез турындагы шигырьләрен башка әсәрләр арасыннан компетентлы жюри 14 яшьтән алып 25 яшькә кадәрге шагыйрьләр арасында иң яхшысы дип билгеләде.
Исегезгә төшерәбез, "ЮЛА" әдәби берләшмәсенең яшь авторлары "Грифон канатларында" конкурсының дәрәҗәле бүләген икенче тапкыр яулыйлар. Беренче тапкыр, 2018 елда, "Яшьләр прозасы" номинациясендә Геннадий Сарандов җиңүче булды. Ә 2020 елда берьюлы ике яшь автор, Илья Комягин һәм Константин Исхаков "Крылья Грифон"ның финалистлары, конкурс җыентыгында басмага лаек булдылар.