Татарстан командалары составында Зеленодольск шәһәре спортчылары чирәмдәге хоккей буенча Бөтенроссия ярышларында җиңү яулады
Мәскәүдә Россиянең төрле төбәкләреннән, шул исәптән Мәскәү, Санкт-Петербург, Свердловск өлкәсе, Татарстан, Алтай краеннан 13 команда катнашында 2010 елда туган яшүсмерләр арасында «Яшүсмер» Бөтенроссия ярышлары узды. Ярымфиналга Мәскәү, Электросталь һәм Татарстанның ике җыелма командасы чыкты, алар арасында безнең Зеленодольск спортчылары да бар иде.
Уен нәтиҗәләре буенча Татарстан җыелма командасы-1 Мәскәүне 7:2 исәбе белән, ә Татарстан җыелма командасы-2 Электросталь командасын 7:4 исәбе белән җиңде. Нәтиҗәдә, безнең ике команда да - беренче урын, Мәскәү һәм Электросталь командалары өченче урын өчен финалга чыкты. Алтынны республиканың 1 җыелма командасы яулады, бронзаны Электросталь алды.
Иң яхшы сакчы призын Татарстан-2 җыелма командасы уенчысы Арсений Ишпаев алды. «Яшүсмер» Бөтенроссия ярышларының иң яхшы уенчысы призына Татарстан җыелма командасы-1 уенчысы Сәет Әхмәтов лаек булды.