"Mediana" журналистика мәктәбе Зеленодольск шәһәренә "Алтын каләм" фестиваленнән гран-при алып кайтты
Бүген Казанда "Алтын каләм - Золотое перо" XXVII республика яшь журналистлар фестивале тәмамланды. Анда Татарстанның барлык почмакларыннан 147 яңа эш башлаучы медиачылар катнашты. Бер атна эчендә алар тәҗрибәле журналистларның мастер-классларында булдылар, газеталар, теле - һәм радиопрограммалар чыгардылар, фоторепортажлар ясадылар, социаль челтәрләр һәм мессенджерлар алып бардылар.
Зеленодольск районын фестивальдә ""Mediana" журналистика мәктәбе укучылары тәкъдим итте: Софья Волостнова, Есения Костюхина, Ника Данилова, Иван Афанасенко, Софья Лёксина.
Һәм менә бүген "Мәскәү" мәдәният үзәгендә бүләкләү тантанасы булды. "Рус телендә басма журналистика" номинациясендә Есения Костюхина икенче урынны яулады.
Ә фестивальнең төп бүләге - Гран-при лаеклы рәвештә Софья Волостновага бирелде. Конкурста җиңү аңа КФУ журналистикасы факультетында бюджет укуына хокук бирә.
-Мин фестивальдә бик күп эшләдем: материаллар яздым, мөхәррир булдым, барлык чараларда катнаштым. Моңа кадәр мин ел буе "Mediana" журналистикасы мәктәбендә иҗат үзәгендә шөгыльләндем. Дөресен генә әйткәндә, максатым фестивальдә Гран-при алу иде. Һәм менә барысы да килеп чыкты! Үземнең остазыма һәм дустыма Денис Сергеевич Анисимовка минем ышанычымны югалтмаган һәм бик күп нәрсәгә өйрәткән өчен зур рәхмәтемне әйтәсем килә.
Шунысын да билгеләп үтәргә кирәк, Зеленодольск районының яшүсмерләр фестивале Гран-при соңгы тапкыр 2014 елда откан.