Зеленодольск шәһәре "ПОРТ" яшьләр үзәгендә пенсионерлар һәм инвалидлар арасында компьютер белеме буенча "Хикмәт" Республика Чемпионатының I этабы узды
Катнашучылар түбәндәге белемнәрне таләп итә торган өч блок биремнәр башкардылар:
- компьютер техникасы нигезләрен белү;
- Яндекс эзләү системасында эшли белү;
-электрон почта белән эшли белү;
-Microsoft Office белән эшли белү;
-текст файлларын, фотографияләр, сурәтләрне, видеофайлларны интернетта тиз эзли белү;
- РФ Дәүләт хезмәтләре һәм ТР Дәүләт хезмәтләре порталлары белән эшләү;
- мәгълүмат иминлеге буенча бирем.
Ярыш нәтиҗәләре буенча 1 урынны Наталья Елина, 2 урынны Татьяна Чистякова, 3 урынны Наталья Морозова алды.
Җиңүчеләр көз көне Казанга чемпионат финалына юл тотачак.
Район этабын оештыручылар-ТР Хезмәт, мәшгульлек һәм социаль яклау министрлыгының Зеленодольск районындагы социаль яклау бүлеге, район ветераннарының җирле иҗтимагый оешмасы һәм «ПОРТ» яшьләр үзәге.