Быел, көз көне, Зеленодольск шәһәрендә беренче беби-спектакль “яңгырачак"

Мондый мөмкинлек физик затлар өчен ТР Яшьләр эшләре министрлыгы оештырган социаль әһәмиятле проектларны гамәлгә ашыру өчен грантлар конкурсында җиңү нәтиҗәсендә барлыкка килде. Җиңүчеләрне бүләкләү Казан шәһәренең "Урам" экстрим-паркында яшьләр көнен бәйрәм итүдә булды. Экспертлар хөкеменә Зеленодольск шәһәрендә яшәүче Сергей Анисин "Әкият терапиясе" музыкаль-белем бирү проектын тәкъдим итте, анда ком анимациясе буенча мастер-класс һәм симфоник әкият берләшкән. Мондый формат иң кечкенә тамашачыларга һәм аларның әти - әниләренә дә кызыклы булачак-спектакль уртак эшчәнлеккә юнәлтелгән. Мөгаен, нәкъ менә шуңа күрә проект "Гаилә кыйммәтләрен ныгыту" номинациясендә җиңүче булды. "Бу җиңү - бөтен команда өчен зур шатлык һәм горурлык, әмма ул Зеленодольск шәһәре җитәкчелеге ярдәменнән башка мөмкин булмас иде. Безнең районыбызның Башкарма комитетына, яшьләр бүлегенә һәм массакүләм мәгълүмат чараларына гариза бирүдә ярдәмнәре өчен рәхмәт белдерәсебез килә. Мондый нык фундаменттан башка эксперт комиссиясе безнең проектны башкача бәяли алыр иде дип уйлыйм,-дип билгеләп үтте Сергей. - Ә хәзер безнең барыбызга да әлеге иҗади инициативаны гамәлгә ашыру буенча зур эш башкарасы бар". Проектның яшьләр командасында режиссер ярдәмчесе һәм либретто авторы Диана Анисина, ком аниматоры-мультипликатор Ксения Ионина. Проектның остазы ТР атказанган сәнгать эшлеклесе Шамил Шамгунов булды, элек ул Сергей уйнаган халык уен кораллары оркестры җитәкчесе иде. Быел конкурс 14 номинация буенча узды: "Иҗади инициативалар", "Яшьләр медиасы", "Волонтерлык инициативалары", "Социаль эшкмәкәрлек" һәм башка номинацияләр. Бирелгән ике мең гаризаның 51е грант ярдәме алды. «Татарстан яшьләренең бик күп кызыклы, файдалы һәм оригиналь идеяләр булуын күрәбез. Физик затлар өчен грант конкурсы яшьләргә үз-үзләрен табарга ярдәм итү, аларның проектларына үсеш бирүне максат итеп куя. Шунысы куанычлы, безнең яшьләр бу дөньяны яхшырак итәргә тырыша», - дип билгеләп үтте ТР Яшьләр эшләре буенча министры Тимур Сөләйманов. Һәр номинация буенча проектлар 60тан 255 мең сумга кадәр финанс ярдәме алды.