Зеленодольск районында беренче тапкыр "Катык" этнофестивале үткәрелде
Чараны Зеленодольск районы башлыгы Михаил Афанасьев ачты.
- Бүген без сезнең белән тарихи вакыйгада катнашабыз - бу Татарстан Республикасында беренче "Катык" этнофестивале. Мин ышанам, ул алдагы елларда үсәчәк, тагын да масштаблырак, традицион булачак. Ләкин бүген без яңа тарихка старт бирәбез. Бәйрәм белан, дусларым! – диде, Михаил Афанасьев кунакларга мөрәҗәгать итеп.
Фестивальнең аерым статус алып торуын РФ Дәүләт Думасы депутаты Илдар Гыйльметдинов ассызыклады:
- Милли байлык - аның киләчәк буыннар өчен мәдәни традицияләрне саклау өстендә эшләүче кешеләре.
Мәйданчыкларда Татарстаннан, шулай ук Чувашия һәм Мари Эльдан килгән фольклор төркемнәре чыгыш ясады. Теләге булганнар өчен катык әзерләү буенча мастер-класслар һәм аның дегустациясе оештырылды. Шулай ук, фестиваль кысаларында кул эшләнмәләре ярминкәсе дә узды.