Зелендольск районы спортчылары җәйге спорт төрләре буенча Бөтенроссия спартакиадасында катнаштылар
Илнең 12 төбәгендә иң көчле спортчылар арасында җәйге спорт төрләре буенча I Бөтенроссия Спартакиадасы узды. Ярышлар 39 спорт төре буенча үткәрелде, аларда 9200 спортчы катнашты.
Зеленодольск районын Татарстан Республикасы җыелма командалары составында 1 нче олимпия резервы спорт мәктәбе гимнастлары Мария Минаева, Даниил Новиков һәм Азалия Камалиева тәкъдим иттеләр.
Ярыш нәтиҗәләре буенча Татарстан Республикасы ир-атлар җыелма командасы составына Даниил Новиков керде һәм спартакиаданың бронза призеры булды. Шәхси берничә ярышны берләштергән дисциплинада, бары тик Олимпия уеннары призерлары һәм җиңүчеләреннән беразга гына калышып, Даниил 7 нче урынны алды.
Ирекле күнегүләрдә Даниил 4 урынны яулады, Олимпия чемпионы Артур Далалоян белән бер үк балл җыйды, һәм тагын бер олимпия чемпионын - Никита Нагорныйны узып китте.
Тренерлар Гөлнар Әхмәтҗановага, Александр Артамоновка, Артем Суконновка, Илгиз Хисамовка зур хезмәтләре, спортчыларга, шулай ук җанатарларга ярдәмнәре өчен ихластан рәхмәт белдерәбез!