Зеленодольский районында "Игелек бакчасы” барлыкка килде
Бүген Зеленодольский районының «Ханская усадьба» коттедж бистәсе территориясендә урнашкан «Игелек бакчасы» хәйрия акциясендә катнашучылар 150 алмагач үсентесе утырттылар. Катнашучылар арасында район башлыгы Михаил Афанасьев та бар иде.
- Искиткеч хәйрия проекты, табигать үзе дә бүген безгә ничек ягымлы. Кешеләр гаиләләре белән килделәр, агач утыртуда балалар белән катнашу – бу бик кадерле процесс. Оештыручыларга шушы инициатива өчен рәхмәт белдерәм, - диде Афанасьев.
ҖЧҖ «Ханский Дом» җитәкчесе Ильяс Гыймадов һәм Зеленодольск урманчылыгы җитәкчесе Наил Абдуллин белән берлектә муниципалитет башлыгы өч алмагач үсентесе утыртты.
Бакчаның гомуми мәйданы вакыт узу белән 3 гектарга җитәчәк. Алмагачларның алмалары хәйрия максатларында тотылачак.
Зур Ключи янындагы «Ханская Усадьба» коттедж поселогы төзелеше 2021 елның августында башланды. Биредә 1200 йорт, социаль инфраструктура объектлары, керү юллары төзү планлаштырыла.