Зеленодольск районына Җиңү поезды килде
Быел Свияжск-Ульяновск рокадасы участогы файдалануга тапшырылуга 80 ел тула. Зөя станциясендә мәртәбәле кунаклар, тимер юл тармагы ветераннары һәм җирле халык җыелды.
Чарада катнашучыларны Зеленодольск районы башлыгы исеменнән аның урынбасары Эльза Кадникова сәламләде:
- Бүген без мөһим датаны - Идел рокадасының 80 еллыгын билгеләп үтәбез. Бу вакыйга уңаеннан безнең районга җиңү поездының мемориаль составы килде. Идел рокадасын төзеп, кешеләр җиңүгә шул юлны суздылар. Аларның һәрберсенең хезмәте хөрмәткә һәм мактауга лаек. Авыр фидакарь хезмәтегез өчен хөрмәтле тимер юл эшчеләре һәм ветераннары сезгә рәхмәт. Сезгә нык сәламәтлек, иминлек һәм яңа уңышлар телим!
Станциядә тантаналы рәвештә Идел рокадасы ветеран-төзүчеләре хөрмәтенә мемориаль такта ачылды. Мактаулы тимер юлчыларның хезмәт батырлары грамоталар һәм күкрәк билгеләренә лаек булдылар.
Тимер юл линиясе 1942 елның 27 сентябрендә ачылды, ул 5,5 ай эчендә оешты. Төзелештә 89 мең кеше катнашты, 1500 - тимер юлчы.