Зеленодольскийлыларга физик затлар өчен шәхси кабинеттан ИНН алу мөмкинлеге тудырыла
Россия Федераль салым хезмәтенең Татарстан Республикасы буенча Идарәсе исегезгә төшергәнчә, «Физик затлар өчен шәхси кабинет» сервисыннан файдаланучылар бушлай һәм теләсә кайсы вакытта көчәйтелгән квалификацияле электрон имза белән имзаланган физик затны исәпкә кую турында электрон таныклыкны йөкли алалар. Документ салым органы хезмәткәре имзалаган һәм мөһер белән расланган кәгазь күчермәсе кебек үк юридик көчкә ия.
ИННны йөкләп алу өчен «Тормыш ситуацияләре» бүлегенә мөрәҗәгать итәргә һәм физик затны салым органында исәпкә кую турындагы гаризаны җибәрү җитә. Шуннан соң «Профиль» бүлегендә ИННны чикләнмәгән санда йөкләү мөмкинлеге барлыкка киләчәк.
Фамилиясе, исеме, әтисенең исеме, җенесе, туу датасы, гражданның туган урыны үзгәргән очракларда физик затны исәпкә кую турында яңа таныклык биргән өчен дәүләт пошлинасы алынмый.