Татарстан Республикасында яшәүчеләр 2023 елга министрлыкларның өстенлекле эш юнәлешләрен билгеләячәкләр
Татарстанда алты Республика министрлыгының өстенлекле эш юнәлешләрен билгеләү буенча тавыш бирү башланды:
- сәламәтлек саклау;
- мәдәният;
- мәгариф һәм фән;
- Хезмәт, мәшгульлек һәм социаль яклау;
- спорт;
- яшьләр эшләре буенча.
Тавыш бирү барышында экспертлар формалаштырган максатларны һәм бурычларны сайлап алырга, шулай ук, үз вариантларыңны тәкъдим итәргә мөмкин.
Тавыш бирү дәүләт хакимияте органнарына гражданнар позициясе нигезендә эшләүдә акцентлар формалаштырырга, ә халыкка актуаль мәсьәләләрне хәл итүне тәкъдим итәргә мөмкинлек бирәчәк.
Максатларны һәм бурычларны гавами формалаштыру нәтиҗәләре 2023 елга министрлыклар эшенең 5-7 өстенлеген билгеләү булачак.
Сораштыру 6 декабрьгә кадәр «ТР Хезмәтләре» мобиль кушымтасында һәм Республика Дәүләт хезмәтләре порталында «Халыктан сораштыру» бүлегендә дәвам итәчәк (https://open.tatarstan.ru/polls).
Нәтиҗәләр проект сайтында бастырылачак (https://publictasks.tatarstan.ru).
Белешмә:
Тавыш бирү Дәүләт Хакимияте Башкарма органнарының максатларын һәм бурычларын гавами формалаштыру проектын гамәлгә ашыру кысаларында уза.
Проектның беренче этабында Татарстан Иҗтимагый палатасы тарафыннан билгеләнгән министрлыклар экспертлары ведомстволарның 2023 елга максатлары һәм бурычлары буенча тәкъдимнәр башлады. Алга таба алар махсус эксперт сессияләрендә һәм иҗтимагый советлар утырышларында эшләделәр, шуннан соң онлайн тавыш бирүгә 90 тан артык тәкъдим кертелде.
Иң күп тавыш җыйган өстенлекләр буенча тәкъдимнәр декабрьдә ведомстволарның иҗтимагый советларының киңәйтелгән утырышларында каралачак.
Нәтиҗәдә, һәр министрлык өчен 2023 елга 5-7 өстенлекле максат билгеләнәчәк.
Хакимият органнарының халык белән берлектә формалаштырылган максатларны һәм бурычларны тормышка ашыру һәм расланган индикаторларның йомгаклау үтәлеше буенча мәҗбүри ачык хисап тотуы каралган.
Проект турында тулырак мәгълүматларны махсус (https://publictasks.tatarstan.ru) порталында бар, шулай ук, ведомства сайтларының «Максатларны һәм бурычларны гавами формалаштыру» бүлегендә алырга мөмкин. Шунда ук, министрлыкларның 2022 елга өстенлекле бурычларын үтәү нәтиҗәләре белән танышырга да була.