2022 елда физик затларга милек салымын түләү турында
Милек салымнарын түләү срогы тәмамалнырга санаулы көннәр кала. Аларны гражданнар агымдагы елның 1 декабреннән дә соңга калмыйча түләргә тиеш. Бүгенге көндә барлык транспорт һәм күчемсез милек хуҗаларына 2021 ел өчен салым хәбәрнамәләрен җибәрү тәмамланды.
Исегезгә төшерәбез, салымнар милек хуҗаларына исәпләнә, ә аларның күләме салым салу объектының кадастр бәясенә бәйле рәвештә теркәүче органнардан килә торган белешмәләр нигезендә исәпләнә.
Шуны да белергә кирәк: балигъ булмаган балалар өчен салым түләү бурычын ата-аналар башкара.
Агымдагы елда республикабызда яшәүчеләргә 8 млрд.700 млн. сумлык 2 млн. 300 мең салым белдерүе җибәрелгән, бу бер ел элеккегә караганда 600 млн. сумга (7,4% ка) күбрәк.
Моннан тыш, салым хәбәрнамәләренә, милек салымнары белән беррәттән, салым агентлары исәпләгән НДФЛ суммаларын исәпләү кертелгән.
Быел беренче тапкыр салым хәбәрнамәсенә шулай ук 15% күтәрелгән ставка буенча 5 млн.сумнан артып киткән салым базасыннан исәпләнгән НДФЛ суммасы кертелгән.
Әгәр дә шәхеснең берничә чыганактан кереме булса, һәр салым агенты НДФЛны үз керем өлешеннән генә түли. НДФЛның гомуми суммасы салым органнары тарафыннан салым түләүченең барлык керемнәренә карата исәпләнә.
Агымдагы елда республикада салым органнары тарафыннан, 2021 ел нәтиҗәләре буенча, 3,7 мең физик затка карата 15% күтәрелгән ставканы исәпкә алып, НДФЛ исәпләнгән, аларга 180 млн. сумнан артык суммага НДФЛ түләүгә салым хәбәрнамәләре җибәрелгән, алар буенча инде 70 млн.сумнан артык түләнгән.
Гомумән алганда, ел башыннан республиканың консолидацияләнгән бюджетына физик затлардан 4,4 млрд.сум милек салымы кергән, агымдагы исәпләүләр буенча 3,5 млрд. сумнан артык акча кергән инде.
Безнең гражданнарыбызның күбесе физик затлар өчен салым түләүченең шәхси кабинеты сервис уңайлыкларыннан һәм өстенлекләреннән файдалана. Калганнары почта аша хәбәрләр алдылар.
Гражданнар дәүләт хезмәтләре порталында исәпләнгән милек салымнары турында мәгълүмат таба алмаячак, чөнки анда салым бурычлары турындагы белешмәләр генә күрсәтелә.
Искәртеп узабыз, нинди очракларда салым хәбәрнамәсе гражданнарга җибәрелми, бу салым ташламасы булса, әгәр түләүләр суммасы 100 сумнан кимрәк булса һәм 2021 ел өчен исәпләүләр суммасын тулысынча капларлык артык түләү булганда. Калган очракларда салым хәбәрнәмәсен алмаган очракта теләсә кайсы салым инспекциясенә яки Күпфункцияле бүлекчәләргә мөрәҗәгать итәргә кирәк. Әгәр дә телефоныгызга «Налоги ФЛ» мобиль кушымтасын йөкләсәгез, яки шәхси кабинетыгыз булса, теләсә кайсы компьютердан яки телефоннан файдаланырга һәм салым түләүгә берничә минут сарыф итәргә мөмкин.
Салым хәбәрнамәсендә салым исәпләнгән милек кенә күрсәтелә. Мәсәлән, белдерүдә салым түләүче салым ташламасын куллана торган объект булмаячак.
Салым түләү өчен, хәбәрнамәдә аларны күчерү өчен кирәкле реквизитлар күрсәтелә. Шул ук вакытта салымнарны үзең өчен генә түгел, башка кеше өчен дә түләргә була. Мәсәлән, ата-аналар, тормыш иптәше яки дуслар өчен. Шул ук вакытта, башка кеше өчен салым түләгән очракта, паспорт та, ышаныч кәгазе дә, туганлык яки гражданлык-хокукый мөнәсәбәтләрне дә расларга кирәкми.
Соңгы вакытта бердәм салым түләү аша салымнарны түләүнең аванс ысулы популярлаша, бу салым түләүченең үзенчәлекле «аванс капчыгы», ул анда милек салымнарын, НДФЛ һәм алар буенча бурычларны түләүгә бүленсен өчен акча кертә. Бу ысул ел дәвамында теләсә кайсы вакытта салым хәбәрен алуны көтмичә һәм бюджет алдындагы бурычларны вакытында үтәү турында борчылмыйча башкару өчен уңайлы.
Салым түләү терминаллары, банклар һәм почта бүлекләре аша традицион рәвештә түләнергә мөмкин. Салым хәбәрнамәләрен алу һәм салым түләүгә бәйле тулырак мәгълүмат Россия Федераль салым хезмәте сайтында nalog.gov.ru.урнаштырылган.
Бер үк вакытта, салым органнары салым түләүләре белән, гражданнарга төрле салым ташламалары бирелә. Әйтик, өлешчә мобилизация кысаларында Кораллы Көчләргә чакырылган Татарстан халкы 2021 елда транспорт салымын түләүдән азат ителде. Тулаем алганда, республикада салым ташламаларыннан миллионга якын кеше файдалана. Бирелгән салым ташламаларының суммасы бер млрд. 400 млн. сум тәшкил иткән, шул исәптән 800 меңнән артык пенсионер һәм пенсия алды яшендәге кешеләр. Бу гражданнар өчен салым ташламаларының гомуми суммасы якынча бер млрд. сум тәшкил иткән. Милек салымнары буенча ташламаларның тулы исемлеге белән Россия Федераль салым хезмәте сайтында да танышырга мөмкин.