Зеленодольскийлылар төлкеләрне шәһәр территориясендә ешрак очрата башладылар
Мондый очракларда нәрсә эшләргә? Зеленодольскийның баш ветеринар табибы Физзат Фәхретдинов җавап бирә:
— Беренче чиратта хайван янына килмәскә, ашатмаска һәм мөстәкыйль рәвештә куркытырга тырышмаска кирәк. Әгәр дә сез хайванны күргән булсагыз, шул исәптән, котыру авыруы белән чирләвенә шик туса, тиз арада ветеринария хезмәтенә мөрәҗәгать итәргә кирәк.
Исегезгә төшерәбез, ноябрь аенда районда кыргый хайваннарның котыру авыруларын бетерү буенча масштаблы эшләр башкарылды, аерым алганда, торак пунктлар янындагы урманнарда дарулар белән брикетлар таратылды. Ветеринария хезмәтләре хезмәткәрләре, биоресурслар комитеты белгечләре белән берлектә, мондый эшләрне ел саен көз һәм яз айларында башкаралар.
Хөрмәтле зеленодольскийлылар! Әгәр сез торак пункт территориясендә кыргый хайван күргән булсагыз, ветеринария хезмәтенә 8(84371)6-68-21, 8(84371) 6-68-22 телефоннары аша мөрәҗәгать итәргә киңәш итәбез.