8 декабрьнең 21 сәгатеннән 9 декабрьнең 10 сәгатенә кадәр метеорологик күренешнең начаралануы турында кисәтү
2022 елның 9 декабрендә төнлә һәм иртән Татарстан Республикасы территориясендә урыны белән көнчыгышта һава температурасы -25 кә кадәр төшәр дип көтелә.
- көндез 15 м/с. га кадәр көчле көньяк, көньяк-көнбатыш җил күтәрелүе көтелә.
Татарстан Республикасы буенча Россия ГТХМ Баш идарәсе тәкъдим итә:
Салкыннан һәм өшедүдән саклану өчен, урамга чыкмаска, балаларга, йорт хайваннарына урамда озак тормаска һәм ерак юлга чыгудан тыелырга кирәк.
Өшеп туңуның төп куркыныч факторлары: дымлы өс киеме һәм каты аяк киеме, кан тамырлары авыруы проблемалары, спиртлы эчемлекләр, шулай ук зәгыйфьлек һәм артык эшләп ару. Өшүдән саклану өчен җылылыкны тота торган калын өс киемнәре, йон оекбашлар киегез – алар дымны сеңдерәләр, аякларны коры калдыралар, салкынга җылы баш киеме һәм шарфсыз чыкмагыз, даими актив хәрәкәтләр ясагыз.
Көчле суыкларда ерак сәфәрләрдә йөрмәскә яхшырак. Суыкта юл - транспорт һәлакәтләре һәм автомобиль механизмнарында кинәт проблемалар куркынычы кискен арта. Еракка йөрүче шоферларга да куркынычсызлык турында онытмаска кирәк - сезон буенча киенергә, җылы кием һәм аяк киеме турында онытмаска, кайнар чәй алырга, мөмкин булганча ягулык запасы булдырырга.
Автомобильдә йөргәндә начар күз күреме булганда артык машинаны куудан, узып китүдән, кискен борылышлардан баш тартырга кирәк.
Кинәт тормозга басудан сакланыгыз: кирәк булганда тукталыш тизлеген акрын гына туктатырга тырышыгыз. Тормоз педалына берничә тапкыр басып алу, артта килүче машиналарга кисәтү булып торачак.
Мөмкин булса, сәяхәтләрдән сакланыгыз, табигатьтә озак йөрүләрдән баш тартыгыз.
Өшегендә беренче ярдәм:
Әгәр дә суыкта туңсагыз - тиешенчә җылынырга тырышыгыз, берничә сәгать җылы бүлмәдә утырыгыз, тукланыгыз. Өшегән булсагыз - шунда ук табибка мөрәҗәгать итегез. Әгәр өшү тирән булса һәм медицина ярдәме булмаса нишләргә?
- Зыян күрүчене җылы киемнәр белән киендерегез. Юешләнгән киемен алып, аны җылы түшәккә һәм одеялга төрегез. Зыян күргән тән участокларына кагылмагыз.
- Суны җылытыгыз. Су температурасы 40-420 С булырга тиеш, термометр булмаса, терсәгегезне суга тыгып карагыз. Терсәк пешмәсә – температура нормальный була. Өшегән урынны суга батырыгыз һәм тире алсу төскә кергәнче суда тотыгыз. Зыян күргән тән өлеше савыт-саба стеналарына тияргә тиеш түгел. Әгәр дә бите яки колаклары туңса, җылы компрессларны йомшак сөлге белән ясагыз (суга батырыгыз һәм кысыгыз).
- Киптерегез һәм җылы киемгә төрегез. Туңган өлеш йомшагач киптерегез һәм зарарланган җирне чиста материя белән урагыз. Әгәр дә ул аяк яки кул булса, инфекция зарарланган тире аша үтеп кермәсен өчен, һәр бармакны аерым төрергә яки бармаклар арасында мамык шарлар куярга кирәк.
- Сыеклык җитмәүне, алкогольдән кала, җылы эчемлекләр белән тутырыгыз. Бу гадәти тән температурасын торгызырга һәм кан әйләнешен яхшыртырга ярдәм итәчәк.
- Авыртуны басу өчен дарулар: Аспирин яки Ибупрофен. Алар авыртудан арындырачак һәм кан әйләнешен яхшыртачак.
Янгын куркынычсызлыгы кагыйдәләрен исегездә тотыгыз һәм үтәгез:
· исерткеч эчемлекләрне артык кулланмагыз, беркайчан да караватта тартмагыз!
· балаларны караучысыз калдырмагыз, аларны янгын куркынычсызлыгы кагыйдәләренә өйрәтегез;
· беркайчан да төзек булмаган электр чыбыкларын кулланмагыз, электрны азрак һәм саграк кулланыгыз, электр җылыткычларын кулланганда сак булыгыз;
· электр һәм газ приборларын караусыз калдырмагыз.
Онытма: янгын үзеннән-үзе булмый. Аның сәбәбе - кеше ваемсызлыгы һәм ут белән дөрес эш итмәү. Исерек хәлдә кеше үзен һәм үз гамәлләрен контрольдә тотуны югалта, һәм башка кешенең тормышы өчен бернинди җаваплылык тота алмый.
Һәр бәла – каза һәм хәвеф-хәтәр булган очракта, сез һәрвакыт ашыгыч хезмәтләр чакыруының бердәм номерына - «112» мөрәҗәгать итә аласыз. Шалтыратулар тәүлек әйләнәсендә кабул ителә, шәһәр һәм кәрәзле телефоннардан бушлай.
Россия гадәттән тыш хәлләр министрлыгының ТР буенча Баш идарәсенең "Ышаныч телефоны" - 8 (843) 288-46-96.