Хәзер татарстанлылар кирәкле мәгълүматларны дәүләт фондыннан кадастр палатасында сорый алалар
Ай саен татарстанлылар күчемсез милекне рәсмиләштергәндә җирне төзекләндерү нәтиҗәсендә алынган белешмәләрнең дәүләт фондыннан җир кишәрлекләренә 3 меңләп оригиналь документ сорый. Бу еш кына җирләрне инвентаризацияләү материаллары һәм җирне төзекләндерү эшләре. Дәүләт фондында барлыгы 500 меңнән артык документ саклана.
Белешмәләр бирү өчен дәүләт фондыннан физик затлар гына мөрәҗәгать итми. Шулай ук, алар күчемсез милек базарында профессиональ катнашучыларга, мәсәлән, кадастр инженерларына да ихтыяҗ зур. Хәзер мөрәҗәгать итүчеләргә әлеге дәүләт хезмәтен алуны сорап Татарстан Республикасы буенча Кадастр палатасына мөрәҗәгать итәргә кирәк.
«Татарстан Россия Федерациясе субъектларының берсе булды, анда Дәүләт фондыннан белешмәләр бирү вәкаләтләре Кадастр палатасына тапшырылды. Башта барлык кәгазь белешмәләр электрон формага күчерелде. Дәүләт хезмәте сорап мөрәҗәгать итүчеләр борчылмаска да мөмкин: моның сыйфаты берничек тә үзгәрми - дәүләт фондыннан белешмәләр элеккечә үк мөрәҗәгать итүче өчен уңайлы форматта бирелә. Моннан тыш, 2023 елдан дәүләт хезмәтләре порталына да хезмәт күрсәтү планлаштырыла», - дип хәбәр итте Татарстан Росреестры җитәкчесе урынбасары Артем Костин.
Дәүләт фондыннан белешмәләрне ничек сорарга?
Кызыксындырган материалларны түләүсез нигездә ике ысул белән сорарга була: шәхсән (Казан шәһәре, Кулагин урамы, 1) яки GFDZ_RT16@16.kadastr.ru электрон почтасы аша. Икенче ысулдан файдалану өчен, Татарстан Республикасы буенча Кадастр палатасының рәсми сайтында урнашкан тиешле бланкны тутырырга кирәк (kadastr.tatarstan.ru "Документлар" төркеменең «Бланклар һәм документлар» бүлегендә).
Тататарсатн Республикасы буенча Кадастр палатасы директоры урынбасары Андрей Парамонов аңлатып узганча, шәхси мөрәҗәгатендә документлар гариза кабул ителгәннән соң 3 эш көненнән артмаган срокта, ә гаризаны почта аша җибәргәндә - 15 көн эчендә бирелә. Хезмәт турында өстәмә мәгълүмат белән ТР Кадастр палатасының рәсми сайтындагы хезмәтләр бүлегендә танышырга мөмкин. Сораулар туган очракта 8 (800) 514-90-77 (доб. 2105, 2237) телефоны аша мөрәҗәгать итәргә була. Бер тапкыр инвентарь номеры 10 берәмлектән артык булмаган документларны сорарга була. Документларның оригиналлары кызыксынган затларга аларны шул урында кулга биреп җибәрү хокукыннан башка бирелә (танышу өчен).