Хисап-теркәү гамәлләренә Татарстан Росреестрына 1 млн. нан артык гариза килгән

Шул исәптән, арестларны һәм тыюларны теркәү өчен 470 меңнән артык. Татарстан Росреестры 2022 елның 11 аена йомгак ясады.

Быел ведомство барлыгы 973 мең хисап-теркәү гамәлләре башкарган (-14%). Шул исәптән торак урыннарга – 264 меңнән артык (-0,6%), якынча 208 мең-җир кишәрлекләренә (+6,1%) һәм машина урыннарына 8 мең (+26,5%). 

Сату-алу шартнамәләренә килгәндә, быел татарстанлылар ешрак җир кишәрлекләрен (95 меңнән артык) һәм торак (79 меңгә якын) сатып алган. Шул ук вакытта республика халкы 17 меңгә якын шәхси торак йорт һәм 8 меңгә якын торак булмаган бина сатып алган.

Шулай ук, Татарстан Росреестры тарафыннан 87 меңгә якын ипотека теркәлгән. Шул ук вакытта тапшырылган электрон ипотекалар саны 2021 ел белән чагыштырганда ике тапкыр арткан, ә аларның өлеше 75% тәшкил иткән. “Электрон ипотека" проекты кысаларында 24 сәгать эчендә 25 мең ипотека теркәлгән, ташламалы ипотека программасы буенча-5,7 меңгә якын. Исегезгә төшерәбез, РФ Президенты Владимир Путин ташламалы ипотека программасын 2024 елның 1 июленә кадәр озайту турында игълан итте.

Татарстан Росреестры җитәкчесе урынбасары Лилия Борһанова:

 «Бүгенге көндә Татарстан Росреестры тарафыннан электрон ипотекаларның 80% ы тәүлек дәвамында теркәлә. Бу Россия Федерациясе буенча бик югары күрсәткеч. Әмма бер елдан соң тәүлек эчендә барлык электрон ипотекаларның 90% ы теркәлергә тиеш.  Бу максатка, әлбәттә, ирешеп була, гәрчә Банк җәмгыяте белән тагын да тыгызрак аралашу таләп ителсә дә.»

Лилия Борһанова сүзләренә караганда, 2024 елда бары тик электрон рәвештә һәм өлешләп катнашу шартнамәләре (ДДУ) теркәлергә тиеш. 2022 елның 11 ае нәтиҗәләре буенча бу күрсәткеч якынча 80% тәшкил итте, бу шулай ук ил буенча иң югары. Быел Татарстан Росреестры тарафыннан барлыгы 17 мең ДДУ теркәлгән, бу узган ел күрсәткеченә тәңгәл.