"Янош, безнең өчен иң мөһиме - тәртип булсын»: Михаил Афанасьев Васильево бистәсеннән Чегән бароны белән очрашты
Чегән җәмгыяте вәкиле муниципалитет башлыгы янында гражданнарны кабул итү көнендә булды.
Васильево бистәсенең Яшьләр микрорайонында Янош Калдарос таборы 2018 елдан бирле яши. Монда алар Әйшә авылыннан куылганнан соң төпләнделәр. Вакыт узу белән күршеләр пәйда булды – Түбән Карамалыдан килгән чегән таборы. Барон сүзләре буенча, ике арада нейтраль мөнәсәбәтләр саклана.
- Бистә халкы минем сезнең янга баруымны белгәч, микрорайон мәсьәләләре турында сөйләргә куштылар. Бу хуҗасыз этләр, алар бистәдә шактый күп. Урамнарны яктырту начар, шулай ук су, күп балалы гаиләләргә җир бүлеп бирү буенча сораулар бар. Сез аларны хәл итүдә ярдәм итсәгез иде, Михаил Павлович, - диде барон.
- Урамны яктырту буенча барысын да караячаклар, санаячаклар. Бу су мәсьәләсен хәл итүгә дә кагыла. Хезмәттәшләр, эшкә алыгыз. Ә менә җир кишәрлекләрен алу чиратына килгәндә, ул барыбыз өчен дә чират буенча, Янош - дип ассызыклады Афанасьев.
Чегән бароны җәмгыятьнең социаль өлеше турындагы сорауга, нигездә, бүген ир-атларның күпчелеге төзелеш өлкәсендә тупланган, дип аңлатты. - Металл калдыкларын җыю белән хәзер беркем дә шөгыльләнми диярлек, безнең бригадабыз бар, эшлиләр. Балалар мәктәпкә бара, без тыныч яшибез. Әгәр дә сез хәер сорашучылар фактлары турында әйтсәгез, бу безнекеләр түгел, - диде барон.
Михаил Афанасьев чегән җәмгыятенә шәхсән барып, мәсьәләләр буенча фикер алышырга вәгъдә итте. - Янош, безнең өчен иң мөһиме - тәртип булсын! Башкасында, без сезгә булышырга һәм ярдәм итергә әзер. Очрашканчыга кадәр.