Зеленодольск районы авыл җирлекләрендә хисап сессияләре башланды
Муниципалитет башлыгы Михаил Афанасьев Күгеш һәм Норлатта узган сессияләрдә булды.
2022 елгы эшчәнлек нәтиҗәләре турында докладлар белән җирлек башлыклары Альберт Гатауллин һәм Илдус Саттаров чыгыш ясады. Сессиядә Зеленодольск шәһәре прокурорының беренче урынбасары Антон Васютин катнашты.
Күгеш авыл җирлегендә яшәүчеләр Тугай авылына кадәр юл төзү, мәктәпкә капиталь ремонт ясау, шулай ук, су башнясын алыштыру сорауларына игътибар иттеләр.
- Бу сорауларның һәрберсе контрольдә. Су башнясы буенча коллегаларым белән аерым җыелачакбыз, йөкләмәне язуыгызны сорыйм,- диде Михаил Афанасьев.
Район башлыгы сөйләгәнчә, Идел аръягы зонасы бүгенге көндә тормышка ашырылмаган эшләрнең күплеге белән аерылып тора. Сүз иң элек файдаланылмый торган фермалар турында, аларны инициативалы фермерларга бирү юлы белән авыл хуҗалыгы әйләнешенә кертү планлаштырыла.
Норлатта Михаил Афанасьев үзара салымның республика программасын үткәрүнең тотрыклы югары нәтиҗәләренә игътибар итте.
- Бу халыкның югары аңлы булуы турында сөйли һәм яшәү өчен уңайлы шартлар тудырырга ярдәм итә. Муниципалитет актуаль мәсьәләләрне хәл итүдә барлык кирәкле ярдәмне күрсәтәчәк. Без су системасын алыштыру, табигый сулыкларга керү юлларын төзү һәм пирслар урнаштыру өчен ихтыяҗ барлыгын беләбез. Сез безнең алга куйган бурычларны бергәләп тормышка ашырачакбыз, - дип ассызыклады Афанасьев.
Хисап сессияләре бүләкләү тантанасы белән тәмамланды.