Татарстанда 12 арбитраж идарәчесе дисквалификацияләнде
2022 елда Татарстан Росреестрына арбитраж идарәчеләрнең гамәлләренә (гамәл кылмавына) 658 шикаять килгән. Тикшерү нәтиҗәләре буенча 140 очракта шикаятьләр нигезле дип танылды.
Татарстан Росреестрында аңлатуларынча, 2022 нче елда тикшерүләр үткәрүгә мораторий салынган (ул 2023 нче елда да гамәлдә булуын дәвам итә). Шуңа күрә узган ел нибары 12 документар һәм 6 контроль тикшерү чарасы үткәрелгән, аларның нәтиҗәләре буенча күрсәтмәләр чыгарылган. Шуның белән бергә Татарстан Росреестры банкротлык эшләрендә даими катнашучы буларак арбитраж идарәчеләрнең барлык гамәлләренә даими нигездә анализ ясый. Хокук бозуларны ачыклаганда, тикшерүләр башлана. 2022 нче елда ведомство вәкилләре республиканың бөтен территориясендә үткәрелә торган банкрот оешмаларга һәм гражданнарга кредиторларның 1000 нән артык җыелышында катнаштылар. Нәтиҗәдә, ведомство гаризаларын караганда, арбитраж судында 112 суд акты чыгарылган, шул исәптән 7се - 190 мең сумлык административ штраф һәм 20 кисәтү салу турында. Законнарны тупас яки системалы бозган өчен суд тарафыннан 12 арбитраж идарәчесе дисквалификацияләнде.
Әйтик, конкурс идарәчеләренең берсе озак вакытка (15 айдан артык) 6 айга дисквалификация рәвешендә административ җаваплылыкка тартылган, үз эшчәнлегенең барышы турында хисап бирмәгән һәм кредиторлар җыелышларын үткәрмәгән өчен. Финанс идарәчесе (Петрова А.Л. – ФИО үзгәртелде) бурычлы кеше булуын белә торып һәм ялган банкротлык билгеләре булуы турындагы мәгълүматны ЕРСБДА бастырып чыгару бурычын озак вакыт үтәмәгән өчен дисквалификацияләнде. Конкурс идарәчесе (Имамов Т. Р. - ФИО үзгәртелде) - Арбитраж идарәченең, хезмәткәр белән бурычлы кеше арасында законсыз рәвештә эштән азат итү һәм бурычлы кешедән уртача хезмәт хакы алу факты буенча каршылыклар булуы турында белеп, элеккеге хезмәткәргә акча калдырмавы, ә киресенчә, конкурс производствосын тәмамлау турында гариза юллавы сәбәпле, дисквалификацияләнде. Кредиторлар белән исәп-хисаплар тулы күләмдә башкарылган.
"Практикада идарәчеләрне административ җаваплылыкка тарту турындагы эшләрне караган арбитраж судлары гаепле затларга телдән кисәтү рәвешендәге җәзаны кулланалар. Дисквалификация соңгы чара булып тора, ул арбитраж идарәчесе билгеләнгән өлкәдә хокук бозулар өчен җаваплылыкка берничә тапкыр тартылган очракта кулланылырга мөмкин», - дип шәрехләде Росреестр Идарәсенең үзрегуляцияле оешмалар өлкәсендә контроль (күзәтчелек) бүлеге башлыгы Гөлия Елесина.