Автомобильләрнең бозга чыгуы тыела!
Зеленодольск инспекторлык бүлекчәсе хезмәткәрләре автомобильләрдә бозга чыгу куркынычы турында даими кисәтә. Алай гына да түгел, Идел һәм Зөя елгаларында алар даими рәвештә белгечләр, Дәүләт техник күзәтчелеге, биоресурслар буенча дәүләт комитеты белгечләре белән уртак рейдлар уздыра. Мондый патрульлек итүнең төп максаты - аеруча саклаулы табигать территорияләрендә табигый ресурсларны саклау һәм файдалану кагыйдәләрен, шулай ук Татарстан Республикасы территориясендә су объектларында кешеләрнең тормышын саклау кагыйдәләрен бозучыларны ачыклау. Соңгы рейдлар барышында ТР КОАП 8.39 статьясы буенча 9 беркетмә төзелде. Үз чиратында полиция хезмәткәрләре һәм Дәүләт техник күзәтчелеге линиясе буенча Башкарма комитетның җәмәгать куркынычсызлыгын тәэмин итү бүлеге белгечләре РФ КоАП 9.3 статьясы буенча 3 беркетмә һәм тракторларны, үзйөрешле, юл-төзелеш һәм башка машиналарны һәм җиһазларны эксплуатацияләү кагыйдәләрен яки нормаларын бозган өчен кар машиналары хуҗаларына ике кисәтү яздылар.
Дәүләт инспекторлары гражданнарга бозга рөхсәтсез чыгуны катгый тыю турында искәртә. Әлеге административ бозу өчен ТР КОАП 1 өлешенең 3.10 маддәсе нигезендә 1000-1500р штраф яный.