Зеленодольск районында гражданнарның үзара салым программасы буенча иң актив авыл җирлекләре аталды
2022 елда, республика ярдәмен исәпкә алып, үзара салым программасы буенча салым җыю суммасы 56,2 млн сум тәшкил итте.
Йөз процент үтәлүне Олы Яке авыл җирлеге күрсәткән, биредә халык 430 мең сум җыйган, шулай ук 1 миллион 720 мең сумга республика ярдәме алынган. Бу суммага вак таш сатып алу, чокырлы юлларга ремонт ясау, агач кисү, зиратларны яктырту һәм төзекләндерү эшләре башкарылган.
Акъегет авыл җирлегендә яшәүчеләр, республика ярдәмен исәпкә алып, 277500 сум җыйганнар һәм республикага 934 мең сум күләмендә ярдәм алганнар. Бу акчаларга җирлектә вак таш сатып алганнар һәм урамнарны яктырту челтәрен төзекләндерүгә тотканнар.
Районның эре җирлекләрендә халыкның активлыгы түбән: Осиново, Васильево һәм Түбән Карамалы.
Хисап сессиясендә Зеленодольск районы башлыгы Михаил Афанасьев җирлек башлыкларына агымдагы елда эшне дәвам итәргә кушты:
- Җирлекләрнең хисап сессияләре барышында без халыкны нәрсә борчыганын ишеттек. Нәкъ менә кешеләр - сезнең төп тәнкыйтьчеләрегез һәм киңәшчеләрегез, очрашулар үткәрегез, бергәләп бурычлар төзегез, без, муниципалитет буларак, кирәкле ярдәмне күрсәтербез. Әмма сез нәтиҗәгә юнәлтелергә тиеш! - дип билгеләп үтте муниципалитет башлыгы.