Зеленодольск укучылары - «Экология университеты» белем бирү интенсивында катнаштылар

                  Аны ТР Экология һәм табигый байлыклар министрлыгы ярдәмендә “Чиста булачак” экологик хәрәкәте оештыра. Интенсив республиканың мәгариф учреждениеләре кураторлары һәм координаторлары, шулай ук хәрәкәтнең яңа активистлары өчен үткәрелде.

Быел интенсивның үзенчәлеге шунда ки, ул ике өлештән тора: онлайн (20-28 февраль) һәм оффлайн (23-25 февраль). Программаның ачык өлеше "Идел" яшьләр үзәгендә узды. Зеленодольскне 14 нче лицей укучылары Алсу Низамова һәм Карина Кабатьева тәкъдим итте.

Программа кысаларында командада социаль проектлау һәм эшләү буенча дәресләр узды.

- “Экология университеты” турында безгә биология укытучысы әйтте, без шунда ук катнашырга ризалаштык. Программаның ике өлеше дә ошады, бик күп уңай хис-кичерешләр алдык. Интенсивның онлайн этабында катнашуыбызга шатмын, чөнки безгә социаль проектлау турында сөйләүче спикерлар килде. Кызык булды. Онлайн этап көннәрендә без башка катнашучылар белән аралаштык, яңа танышулар алдык. Без командаларга бүлештек, һәм өч көн нәтиҗәләре буенча безнең команда беренче урынны алды, - дип үз хис-кичерешләре белән уртаклашты кызлар.