“Михаил Девятаев һәм Муса Җәлил”: Горький исемендәге Зеленодольск заводында яңа суднолар салу тантанасы узды
Бүген ике тиз йөрешле пассажир "Метеор-2020» һәм водород ягулыгында эшләүче инновацион судно төзелешенә старт бирелде.
Тантаналы чарада Татарстан Республикасы Рәисе Рөстәм Миңнеханов, Татарстан Республикасы премьер-министры урынбасары – Татарстан Республикасы сәнәгать һәм сәүдә министры Олег Коробченко, Зеленодольск районы башлыгы Михаил Афанасьев, «Ак Барс» холдинг компаниясе генераль директоры Иван Егоров, суднолар төзү корпорациясе җитәкчесе Ренат Мистахов, Горький заводы генераль директоры Александр Филиппов катнашты.
- Бүген Зеленодольск кораблары Президент Владимир Владимирович Путинның илебез чикләрен саклау бурычларын гамәлгә ашыра. Коллективка ныклы сәламәтлек һәм яңа җиңүләр, шулай ук эшләрне вакытында тәмамлап, яңа судноларны суга төшерүләрен телим! – дип, Рөстәм Нургалиевич үз теләкләрен җиткерде.
Завод хезмәткәрләре Михаил Девятаев һәм Муса Җәлил исемнәрен Метеорларга бирү инициативасы белән чыгыш ясады.
"Метеор-2020» судноларының үз-үзен тотрыкландыра торган инновацион өстенлеге булган системалары бар:
* Диңгезләрдә йөри алуы 20-30% артык;
* Дулкында хәрәкәт иткәндә йөкләнеш һәм тизләнешнең 40-50 %ка кимүе;
* Борын һәм карма канаты һөҗүменең уңай почмаклары хисабына канаттан су күчерү режимында төшү проблемасы булмау;
* Канатка чыгу вакытын һәм көчен киметү.
Диңгездә йөрүдә сизелерлек яхшыртылуыннан тыш, рейслар вакытында пассажирлар һәм экипажның тотыш шартларын яхшыртуга аерым игътибар бирелде.
124 пассажирга исәпләнгән иркен салон, уңайлы креслолар белән җиһазландырылган, WI-FI ярдәмендә мультимедиа контентына керү мөмкинлеге бар. Хәрәкәт мөмкинлекләре чикләнгән пассажирларны йөртү өчен шартлар тудыруга аерым игътибар бирелде.
2022 нче елның 15 нче сентябрендә Х Петербург халыкара газ форумы эше кысаларында «Горький исемендәге Зеленодольск заводы» һәм «Крылов дәүләт фәнни үзәге» Федераль дәүләт унитар предприятиесе арасында Россиядә беренчеләрдән булып водород ягулыгы элементларында универсаль функциональ модульле тәҗрибә үрнәге базасында энергетика җайланмасы белән судно төзү турындагы Шартнамәгә кул куелды.