Зеленодольскийда "Гаилә тарихында гасырлар кайтавазы – Тарихта без эзлебез" фестиваленең муниципаль этабы узды

2023 елның 2 марты, пәнҗешәмбе

Чарада 6 гаилә катнашты: Олы Күлбаш авылыннан - туган авылны һәм гаилә традицияләрен саклаучы Исмәгыйлевлар гаиләсе, таҗик диаспорасының якты вәкилләре - Бобокалоновлар гаиләсе, күпмилләтле гаилә – Латыйповлар гаиләсе, мәктәпкәчә яшьтәге гаилә төркемендә балалар тәрбияләүче зур һәм иҗади гаилә - Нуруллиннар гаиләсе,  Серго исемендәге заводның хезмәт династиясе - Мельниковлар  һәм Хәбибуллиннар гаиләләре.

Чарада ЗМР Башкарма комитеты җитәкчесе вазыйфаларын башкаручы Александр Старостин да булды.

Гаиләләр үзләренең традицион ризыкларын һәм костюмнарын тәкъдим иттеләр, нәселләре турында матур чыгышлар күрсәттеләр.