Түбән Урыспуга авыл җирлегендә атаклы көрәшче-батырлар истәлегенә милли көрәш буенча турнир уздырылды

2023 елның 12 марты, якшәмбе

Ярышларда Зеленодольск, Осиново, Молвино, Күгәй  һәм Түбән Урысбагадан 11 авырлык категориясендә 50дән артык көрәшче катнашты.

Турнирны оештыручылар спортчыларның осталыгы һәм әзерлеге елдан-ел арта баруын билгеләп үттеләр. Һәр авырлык категориясендә киеренке көрәш барды.

Зеленодольск Сабантуе батыры, көрәш буенча дөнья чемпионы, Көрәш спорт мәктәбенең тренер-укытучысы Фирдүс Зәйнуллин ярышларның баш судьясы һәм мактаулы кунагы булды.

Ярышларның абсолют батыры Осиноводан Илназ Бабажанов булды.