Зеленодольск районында яшәүчеләрне исемнәрдә һәм язуларда, белешмә такталарда, топографик билгеләрдә, юл күрсәткечләрендә һәм торак йортларның аншлагларында татар телендә хаталарны ачыклауга җәлеп итү буенча конкурс игълан ителде.
«Татарстан Республикасында яшәүче халыклар вәкилләренең татар телен һәм туган телләрен саклау, үстерү мәсьәләләре буенча Татарстан Республикасы Президенты каршындагы комиссия турында» Татарстан Республикасы Президентының 20.05.2022 № ПУ-356 Указы нигезендә төзелгән Татарстан Республикасында яшәүче халыкларның татар телен һәм туган телләрен саклау, үстерү мәсьәләләре буенча Татарстан Республикасы Президенты каршындагы комиссия тәкъдимен тормышка ашыру максатларында, «Халык контроле» Татарстан Республикасы дәүләт мәгълүмат системасы эшчәнлеге буенча ведомствоара комиссия карары белән 2023 елның 1 апреленнән 1 ноябренә кадәр Татарстан Республикасы халкын исемнәрдәге һәм язулардагы язмаларны, белешмәләрдәге, топографик билгеләрдәге, юл күрсәткечләрендәге һәм торак йортларның аншлагларындагы хаталарны ачыклауга, шулай ук халыкларның милли мәдәнияте элементларын куллануны популярлаштыруга, Татарстан Республикасы территориясендә яшәүче, республикада җитештерелә торган продукцияне (товарларны) рәсмиләштергәндә, шулай ук Татарстан Республикасы территориясендә урнашкан барлык милек формасындагы учреждениеләр биналарының тышкы кыяфәтен бизәгәндә җибәрелгән хаталарны ачыклауга җәлеп итү буенча конкурс игълан ителә.