Татарстанда 3,3 меңнән артык гаилә «Авыл ипотекасы» буенча йортлар сатып алган
Агымдагы елда әлеге программа шартларыннан 200дән артык гаилә файдаланган, авыл җирлегендә 500 млн сумлык торак сатып алу финансланган. Татарстанлылар әзер йортларга өстенлек бирәләр.
Татарстан Росреестры мәгълүматлары буенча, программаны гамәлгә ашыру башланганнан бирле төбәктә 3340 тан артык авыл ипотекасы теркәлгән, Россельхозбанк тарафыннан 7,6 млрд.сумлык кредит бирелгән.
"Хәзерге шартларда халык уңайлы шартларда яшәргә омтыла, ә тавыштан ерак һәм табигатькә якынрак авылда йорт сатып алу яки төзү, туган җирендә яшәү һәм эшләү мөмкинлеге - авыл ипотекасы ярдәмендә аны тормышка ашырган республиканың күп кенә халкының хыялы. Россельхозбанкның татарстанлыларга көн саен торак шартларын яхшыртуда ярдәм итүе һәм Россиянең гомуми халкының авыл халкы өлешен саклап калуга зур өлеш кертүе сөендерә», – дип билгеләп үтте Россельхозбанкның Татарстан төбәк филиалы директоры Ләлә Кудерметова.
Татарстан Росреестрында хәбәр итүләренчә, «Авыл ипотекасы» буенча сатып алына торган йортларга милек хокуклары бер эш көнендә теркәлә.
"Безнең төбәктә “Авыл ипотекасы" элеккечә зур ихтыяҗ белән файдалана. Быел татарстанлылар еш кына әлеге программа буенча Питрәч, Лаеш, Биектау, Тукай һәм Арча районнарында йортлар сатып алганнар. Безнең ведомствога документлар кергәндә мондый объектларны теркәү, кагыйдә буларак, көн дәвамында үткәрелә», - дип шәрехли Татарстан Росреестры җитәкчесе Азат Җаббаров.
Исегезгә төшерәбез, авыл ипотекасы «Авыл территорияләрен комплекслы үстерү» дәүләт программасы составында тормышка ашырыла. Авыл ипотекасын 21 яшьтән 75 яшькә кадәрге кешеләр рәсмиләштерә ала. Татарстан Республикасы халкы өчен кредитның максималь суммасы 3 млн сум тәшкил итә. Гаилә парлары өчен кредит күләме 6 млн сумга кадәр арттырылырга мөмкин. Авыл ипотекасын 25 елга кадәр рәсмиләштерергә мөмкин, беренчел взнос 10 проценттан.
Россельхозбанкта «Авыл территорияләрен комплекслы үстерү» программасының икенче коралы авыл территорияләрендә яшәүчеләр өчен ташламалы куллану кредиты булуын аңлаттылар. Ул 23 яшьтән алып 65 яшькә кадәрге россиялеләргә 1 млн сумга кадәр акча алырга мөмкинлек бирә, аны торак йортларны (биналарны) ремонтлауга, үзәкләштерелгән яки автоном электр белән тәэмин итү, су белән тәэмин итү, су чыгару, җылыту урнаштыру өчен җиһазлар сатып алуга, монтажлауга, газлаштырылган районнарда газ белән тәэмин итүгә юнәлтергә мөмкин.
Агымдагы елда Россельхозбанк әлеге программа буенча татарстанлыларга 35 млн сум күләмендә ярдәм күрсәтте. Еш кына халык йортны һәм биналарны ремонтлый.