Зеленодольск районында 2,8 миллиардка логистик комплекс төзеләчәк
Зеленодольск районының «Тура 2.0» индустриаль паркында логистик комплекс барлыкка киләчәк. Аның төзелеше турында ТР Рәисе Рөстәм Миңнехановның «Деловые линии» дәүләт корпорациясе генераль директоры Фәрит Мадани һәм «Ромекс Group» компанияләр төркеме президенты Алексей Прокопенко белән очрашуында фикер алыштылар. Зеленодольск районы башлыгы Михаил Афанасьев та катнашты.
40 мең квадрат метрдан да ким булмаган логистик терминал булдыру планлаштырыла, бу ай саен 25 млн кг йөк эшкәртергә мөмкинлек бирәчәк. Терминалның гомуми мәйданы 15 гектар тәшкил итәчәк, инвестицияләр күләме 2,8 млрд сум.
-Build-to-suit форматындагы яңа комплекс безнең барлык сорауларга җавап бирәчәк. Татарстан Хөкүмәте ярдәме белән проект төбәктә логистиканы оптимальләштерергә генә түгел, ә башка терминалларыбызны да бушатырга, шулай ук республикада яңа эш урыннары булдырырга мөмкинлек бирәчәк. Электрон сәүдә үсешенең югары динамикасын исәпкә алып, комплексның барлыкка килүе сәүдә һәм йөк әйләнеше үсешенең өстәмә ноктасы булачак, — диде «Эшлекле линияләр» генераль директоры.
Рөстәм Миңнеханов билгеләп үткәнчә, хәзерге шартларда логистик комплекслар төзү «Акланган һәм икътисади яктан нигезле» һәм республика хакимиятләренең инвесторларга ярдәм итүгә һәм инвестицияләр җәлеп итүгә юнәлдерелгән барлык булган инструментларны актив куллануын искәртте.
ТР Бизнес-омбудсмены Фәрит Абдулганиев ассызыклаганча, ТР эшкуарлары өчен транспортлау һәм логистика өлкәсендә конкурентлы өстенлекләр булдыру мөһим, шуңа күрә республикага тиешле технологияләргә һәм компетенцияләргә ия булган эре логистларны җәлеп итәләр.