Татарстанда төзүчеләрне күчемсез милекне теркәү өчен документларны өлешчеләр исеменнән активрак тапшырырга чакырдылар
Өлешле төзелештә катнашучылар исеменнән милекне теркәү өчен документлар тапшырырга рөхсәт итүче Федераль закон үз көченә кергәннән соң 3 ел эчендә Татарстан Росреестрына 3 меңгә якын шундый гариза килгән.
Бу хакта Казан шәһәре Башкарма комитетының Торак сәясәте идарәсендә өлешле төзелеш өлкәсендәге актуаль мәсьәләләр буенча эшлекле киңәшмәдә Татарстан Росреестры вәкиле Альбина Алексеева хәбәр итте.
Күчемсез милекне теркәү өлкәсендәге төп үзгәрешләрне яктыртып, ведомство вәкиле билгеләп үткәнчә, Татарстанда ДДУны электрон рәвештә теркәү буенча гаризалар өлеше 90% тәшкил итә. Мондый мөмкинлек "күпфатирлы йортларны өлешләп төзүдә катнашу турында" Федераль законда каралган....».
Шулай ук гамәлдәге законнарда күпфатирлы йорт файдалануга тапшырылганнан соң һәм кадастр исәбенә куелганнан соң, күчемсез милек объектын кабул итү-тапшыру актын Росреестрга өлешче исеменнән тапшыру мөмкинлеге каралган. Теркәлгәннән соң төзелеш оешмасы милекчегә өлешле төзелеш объектына милек хокукын раслаучы ЕГРНнан өземтә тапшырырга тиеш.
Электрон теркәлүнең ачык өстенлекләренә карамастан, Татарстанда күчемсез милек базарында профессиональ катнашучылар бу юнәлештә пассив эшчәнлек алып баралар:
"Еш кына төзүчеләр өлешле төзелештә катнашучыларга нәкъ менә төзүче тарафыннан теркәлүгә документлар тапшыру кебек мөһим өстенлек турында аңлатмыйлар: гариза бирүчеләргә ике тапкыр КФҮгә мөрәҗәгать итәргә кирәкми – башта документлар тапшырырга, ә аннары алырга. Безнең республикада төзелеш күләмен исәпкә алып, төзүчеләр гаризалары буенча теркәлүләр саны күпкә күбрәк булырга мөмкин», - дип билгеләп үтте Альбина Алексеева.
Шул ук вакытта, Росреестр тарафыннан Федераль закон проекты эшләнә, аның нигезендә объектны өлешчегә тапшырганнан соң һәм аны кадастр исәбенә куйганнан соң, төзүче тапшыру акты имзаланганнан башлап, 10 эш көне эчендә, электрон рәвештә Росреестрга милек хокукын теркәү турында гариза җибәрергә тиеш. Шулай ук электрон рәвештә генә ДДУны теркәү турында гаризалар һәм аларга кушымта итеп бирелгән документлар җибәрергә тәкъдим ителә. Юридик затлар, бигрәк тә төзүчеләр белән электрон элемтәгә тулысынча күчү 2024 елда көтелә.