Ата-аналарга киңәшләр: «Баланы тәрәзәдән егылудан ничек сакларга?»
Өйдә бала булса, тәрәзәләрне беркайчан да ачык тотмагыз! Сез үзегезне якын дип саныйсыз, ләкин сез читкә юнәлткән секунд баланың тормышында соңгысы булырга мөмкин!
Бала тәрәзә төбенә менмәсен һәм аска төшмәсен өчен, җиһазларны тәрәзә янында куймагыз.
Балаларга тәрәзә янында урнашкан караватта яки башка җиһазларда сикерергә рөхсәт итмәгез.
Чебеннән саклану челтәрләренә беркайчан да ышанмагыз! Алар егылудан саклану өчен түгел! Киресенчә, чебен челтәре фаҗигагә ярдәм итә, чөнки бала үзен аның артында куркынычсыз хис итә һәм тәрәзәгә таянам дип, егылырга мөмкин. Еш кына балалар бу челтәрләр белән бергә егылып төшәләр.
Мөмкин булса, тәрәзәләрне астыннан түгел, өстән ачыгыз.
Бала тәрәзәне үзе ача алмасын өчен, тәрәзәләргә блокаторлар куегыз.
Тәрәзә рәшәткәләрен куеп тәрәзәләрне саклагыз. Рәшәткәләр балаларны ачык тәрәзәләрдән егылудан саклый.
Әгәр дә сез балага тәрәзәдән берәр нәрсә күрсәтсәгез-аны һәрвакыт нык тотыгыз, баланың кискен хәрәкәтләренә әзер булыгыз, кулларыгызны коры тотыгыз, баланы киеменнән тотмагыз. Сез аларны монтажлаучы махсус фирмаларга мөрәҗәгать итә аласыз һәм тәрәзә төренә иң туры килгәннәрен сайлый аласыз.
Балаларга куркынычсызлык дәресләре бирегез. Олы балаларны кечеләрне карарга өйрәтегез.
Баланы беркайчан да караучысыз калдырмагыз!
БАЛАГЫЗНЫҢ ТОРМЫШЫН САКЛЫЙ ТОРГАН КАГЫЙДӘЛӘРНЕ ИСЕГЕЗДӘ ТОТЫГЫЗ!
Балаларыгыз турында хөрмәт һәм кайгырту белән,
Татарстан Республикасында Бала хокуклары буенча вәкаләтле вәкил Ирина Волынец