Яшел Үзәннең "Дельфин" яхт-клубында Җилкәнле спорт буенча ТР чемпионаты һәм Беренчелеге тантаналы рәвештә ачылды
Чара беренче тапкыр үткәрелә, анда Яшел Үзән, Казан һәм Чаллы яхтсменнары катнаша.
Хөрмәтле кунаклар арасында ТР җилкәнле спорт федерациясенең Попечительләр советы рәисе Олег Ибраһимов, Яшел Үзән районы башлыгы Михаил Афанасьев, «Ак Барс» суднолар төзү корпорациясе генераль директоры Ренат Мистахов һәм яхт-клуб директоры Зөфәр Исмәгыйлев бар.
- Җилкәнле спорт-Иң яхшы сыйфатларын күрсәтүче кыю кешеләрнең спорты.
Без шәһәрдә чемпионат һәм беренчелек узуы белән горурланабыз, бу безнең өчен бик мөһим.
Мин һәркемгә уңышлар, җиңүләр телим һәм иң мөһиме, биредә үткәргән вакыт сездә якты эмоцияләр һәм тәэсирләр калдырсын, - дип сәламләде кунакларны һәм катнашучыларны Михаил Афанасьев.
Ярышлар 21 июльгә кадәр Оптимист, Кадет, Лазер-4,7, Луч-М, Луч-Р, Луч, 420 классларында дәвам итәчәк. Җиңүчеләр ТР җилкәнле спорт Федерациясенең медальләре һәм дипломнары белән бүләкләнәчәк.