Зеленодольскида 1500 яңа эш урыны булачак

Шушы көннәрдә "Магнит" сәүдә челтәре Зеленодольскида үзенең логистика үзәге ( 22524 кв. м)  ачылу турында белдерде. Ул өч айдан бирле эшләсә дә,  рәсми төстә эшли башлавын хәзер генә  хәбәр итте. 

-Үзәктә 1,5 мең кеше эшләячәк, бу Зеленодольск өчен уңай, яңа эш урыннары, - ди Александр Тыгин. - Зеленодольскиның географик яктан бик уңай урнашуын максималь файдаланырга кирәк. Логистика үзәге ачылу - районның стратегик максатының раслануы: 500 километр радиуста якын төбәкләрдә логистика белән бәйле мәсьәләләр хәл  ителәчәк. Үзәк мәйданы шактый зур, склад  биналары "А" класслы. Әлеге хуҗалыкка хезмәт күрсәтү өчен йөк транспорты да бик күп.