Яшел Үзәндә 15-16 яшьлек егетләр һәм кызлар арасында «Россиянең Атказанган спорт мастеры Андрей Льков» призына чаңгы узышлары буенча Татарстан Республикасы беренчелеге старт алды
Ачылу тантанасында ТР чаңгы узышлары һәм биатлон буенча Федерация эшләре идарәчесе Денис Блохин, ЗМР чаңгы узышлары федерациясе рәисе Дмитрий Грузков, Россиянең атказанган спорт мастеры Андрей Льков катнашты.
Бүген 200ләп спортчы чаңгыда иң яхшы булу хокукы өчен көрәште. ТР беренчелеге Россия беренчелегендә республика исеменнән чыгыш ясау хокукын бирә.
Ярышларның 1 көне нәтиҗәләре буенча Зеленодольск ышанычлы рәвештә лидерлык позицияләрен яулады.
Кызлар арасында 4нче спорт мәктәбе тәрбияләнүчеләре Лилия Гарәфетдинова һәм Виктория Мельникова 1нче һәм 2нче урыннарны алдылар - алар бөтенроссия дәрәҗәсендә Татарстан Республикасы исеменнән чыгыш ясаячаклар.
Егетләр арасында 4 нче спорт мәктәбе тәрбияләнүчесе Иван коклихин 3 нче урынны яулый.
Җиңүчеләрне котлыйбыз һәм киләсе ярышларда спортчыларга уңышлар телибез!