2023 ел нәтиҗәләре буенча ЗМК Татарстанда сөт эшкәртү буенча лидерлыкны саклап калды
Яшел Үзән сөт эшкәртү комбинаты Татарстанда иң эре сөт эшкәртүчеләр рейтингын яңадан җитәкләде.
Рейтинг «ТатАгроЭкспо» АПК казанышларының VI махсуслаштырылган авыл хуҗалыгы күргәзмәсендә «Россиянең сөт индустриясен үстерү: 2023 ел нәтиҗәләре һәм 2024 елга фараз»темасына түгәрәк өстәл вакытында Татмолсоюз тарафыннан тәкъдим ителде.
Чара «Казан Экспо» Халыкара күргәзмә комплексы мәйданчыгында Россия сөт җитештерүчеләр милли берлеге генераль директоры Артем Белов һәм Татарстан Республикасы Авыл хуҗалыгы һәм азык-төлек министры Марат Җаббаров катнашында узды.
Республика сөт җитештерүчеләр берлеге җитәкчесе Денис Пирогов узган ел йомгаклары буенча сөт җитештерүчеләр һәм эшкәртүчеләр рейтингын тәкъдим итте.
«ЗМК» АҖ иң күп балл җыйды — 785. Бу икенче урында торган компаниягә караганда 131 баллга күбрәк.