Яшел Үзәндә ТКХ хезмәткәрләрен һөнәри бәйрәмнәре белән котладылар

2024 елның 22 марты, җомга

Ел саен мартның өченче якшәмбесендә Россиядә торак-коммуналь хуҗалык хезмәткәрләре көне билгеләп үтелә. Бүген балалар музыка мәктәбендә бәйрәм чарасы узды, анда шәһәр һәм районның коммуналь хезмәтләре һәм идарәче компанияләре хезмәткәрләре катнашты.

- Сезнең җилкәгездә Яшел Үзән районында яшәүчеләрнең яшәү шартлары һәм көндәлек тормышы, предприятиеләр, социаль учреждениеләр һәм торак йортлар өчен зур җаваплылык ята. Авыр хезмәтегез өчен һәрберегезгә чын күңелдән рәхмәт белдерәм, киләчәктә профессиональ уңышлар, бәхет һәм гаилә иминлеге телим! - хезмәткәрләрне Яшел Үзән районы башлыгы урынбасары Николай Бызин котлады.

Хезмәткәрләргә ведомство бүләкләре, Мактау грамоталары һәм Рәхмәт хатлары тапшырылды. Кунаклар өчен бәйрәм концерты әзерләнде.