1500 дән артык укучы һәм студент «Турникетсыз атна»кысаларында POZIS потенциалы белән танышты
POZIS Россия машина төзүчеләр берлегенең «Турникетсыз атна»Бөтенроссия акциясендә катнаша. Чара кысаларында компания вәкилләре ике атна дәвамында Татарстан Республикасы һәм Марий Эл мәгариф учреждениеләре укучылары һәм студентлары белән һөнәри юнәлеш бирүче очрашулар үткәрделәр, шулай ук предприятиегә танып белү экскурсияләре оештырдылар. Машина төзелеше предприятиесе эше белән 1500дән артык укучы һәм студент танышты. Балалар заводның җитештерү мәйданчыкларында булдылар, анда алар заводның төп потенциалы һәм POZIS суыткыч продукциясе җитештерү процесслары белән таныштылар. Студентларга производство практикасын үтү шартлары, шулай ук яшь белгечләр өчен каралган социаль компонент турында сөйләделәр. «Турникетсыз атна» акциясе 2015 елдан Россия машина төзүчеләр берлеге инициативасы белән елына ике тапкыр үткәрелә. Проектның төп максаты-мәктәп укучыларында һәм студент яшьләрендә иртә һөнәри юнәлеш бирү системасын формалаштыру, ул Ватан машина төзелешен һәм сәнәгатьнең тугандаш тармакларын үстерүгә юнәлдерелгән.