Зөядә бердәнбер Посад чиркәвен төзекләндерәчәкләр
Реставрация объекты Изге апостолларга тиң патшалар Константин һәм Елена гыйбадәтханәсе булачак.
Экспертизаның уңай нәтиҗәсе ТР Мәдәни мирас объектларын саклау комитеты сайтында бастырылган.
Константин һәм Елена чиркәвендә тәрәзәләрне, ишекләрне, веранданы реставрацияләү, җылыту системасын алыштыру, тротуарларны ремонтлау, янәшәдәге территорияне яшелләндерү планлаштырыла. Шулай ук эшчеләр гөмбәзнең металл япмасын реставрацияләргә, стеналарның бизәлешен торгызырга, түбәнең агач конструкцияләрен эшкәртергә тиеш.
Константин һәм Елена гыйбадәтханәсе Свияжскида безнең көннәргә кадәр сакланып калган бердәнбер Посад чиркәве. XVII гасырга кадәр аның урынында шул ук багышлауның агач чиркәве булган. Культ архитектурасы һәйкәле борынгы рус таш архитектурасы традицияләрендә барокко элементлары белән башкарылган. Соңгы тапкыр чиркәүдә реставрация 2010-2012 елларда узган.