Барлык призлы урыннар Татарстанда, ә турнирның иң яхшы уенчысы - Яшел Үзәнле
«Маяк» спорт комплексында чирәмдәге хоккей буенча 2013 елда туган һәм аннан кечерәк яшүсмерләр арасында «Идел көзе»ачык Бөтенроссия турнирында җиңүчеләр ачыкланды.
Өч көн дәвамында иң көчле җиде команда иң яхшылар исеме өчен көрәште. Татарстан, Екатеринбург, Пермь һәм Азов хоккейчылары көч, җитезлек һәм талант күрсәтеп, беренче класслы уен күрсәттеләр. Соңгы минутларга кадәр призлы урыннарны урнаштыруда интрига сакланды. Әмма нәтиҗәдә Татарстан спортчылары көндәшләренә шанслар калдырмады.
14 нче лицей укучысы, Яшел Үзән егете Тимур Бектемиров 2013 елда туган республика җыелма командасы бер уен да оттырмыйча, берсүзсез чемпион булды. Егет турнирның иң яхшы уенчысы дип танылды. Турнирның иң яхшы һөҗүмчесе шул ук мәктәп укучысы Әмир Сабиров булды.
Җитди көрәштә 2014 елда туган Татарстан командасы» көмеш " яулады.
- Малайлар ахырга кадәр көрәштеләр. Призлы урыннар өчен уен ачык һәм күрсәткеч булды. 15 катнашучының өчесе Казаннан, калганнары Яшел Үзәннән. Безнең команданың иң яхшы уенчысы дип Егор Егоров аталды, ул да 14 нче лицейда укый. Командама сугышчан рухы һәм шәп нәтиҗәсе өчен рәхмәт белдерәм!- дип уртаклашты егетләрнең тренеры Тимур Мирасов.
Турнир таблицасында өченче урынны һәм бронза медальләрне «Динамо»РСШОР командасы яулады.
«Маяк " СК