Яшел Үзәндә хокукый ярдәм көне узды

2024 елның 20 ноябре, чәршәмбе

Бөтенроссия балаларга хокукый ярдәм күрсәтү көне кысаларында халыкны Яшел Үзән муниципаль районының опека һәм попечительлек бүлеге кабул итте.

Алдан язылу барышында унбер мөрәҗәгать кергән. Сораулар пенсия белән тәэмин итүгә, социаль яклауга, торак хокукына, мирас алуга кагылды. Кабул итү барышында мөрәҗәгать итүчеләргә оператив хокукый ярдәм күрсәтелде һәм аңлатмалар бирелде.

Гражданнарны Яшел Үзән районында Кеше хокуклары буенча вәкаләтле вәкил, прокуратура, суд приставлары хезмәте, социаль фонд, социаль яклау бүлеге, Торак сәясәте департаменты, адвокат һәм Нотариаль палата вәкилләре кабул итте.

Кабул итү барышында халык бушлай юридик ярдәм һәм борчыган сорауларга җаваплар алды.